Վերջապես կայացավ շատ սպասված ՙՙՍտեղծագործ պատանի՚՚ նախագծի կլոր սեղանը:
Նախագծի ամփոփմանը՝ այստեղ:
Նախագծին կարող եք ծանոթանալ՝ այստեղ:
Կլոր սեղանի քննարկումներին և այլ ծրագրերին ծանոթանալու համար կարող եք դիտել տեսանյութը:
Մենք արդեն կանգնած ենք: Հյուրերը կամաց-կամաց լցվում են ու ամեն լցվելուն զուգահեռ՝ ավելի եմ սկսում լարվել: Դե ամեն դեպքում դա իմ առաջին անգամն էր, չէ՞, կարելի էր մի քիչ լարվել:
Ըհը, բոլորն արդեն տեղում են, սկսեցինք խոսել, ու լարվածությունս կորավ: Շատ թեթև ու հանգիստ էր ընթանում: Ներկայացրեցինք նախագիծը, արդեն ավարտին էինք մոտենում, երբ տիար Բլեյանը մտավ սենյակ: Մի քանի նախադասությամբ տիար Բլեյանին ևս ներկայացրեցի նախագծի նպատակը: Նրան դուր էկավ մեր միտքը: Հետո հետաքրքիր քննարկում ստեղծվեց, ներկաները իրենց հարցերով հանդես եկան, ու մենք աշխատում էինք, որքան հնարավոր է պարզ պատասխանել:
Տիարը մեզ առաջարկեց, որ մենք կարող ենք ոչ միայն մեր դպրոցի, այլ ուրիշ դպրեցի երեխաների հետ նույնպես համագործակցել՝ վերցնել ստեղծագործությունները: Ինչպես նաև նախագծի շուրջ հանդիպումներ ունենանք նաև ժամանակակից գրողների հետ:
Մենք ներկայացրինք մեր հետագա ծրագրերի մասին, այն է՝ առաջարկենք ընթերցել, ոչ միայն սովորողների ստեղծագործութոյւնները, այլ նաև ուսուցիչների: Առաջիկայում նաև կհրատարակվեն ստեղծագործությունները, և Տիգրան Հայրապետյանի գրադարանում կառաջարկվեն այդ գրքերը:
Քննարկման վերջում ներկայացրինք հեղինակներին, որոնք անձամբ պատասխանեցին ներկաների հարցերին և կարդացին իրենց ստեղծագործություններից հատվածներ: